法律都仲算公證
Saturday, August 2, 2008因為有單官司兼且呢兩個月忙o左好多, 所以一直都無寫blog..不過單官司終於都完結o左喇
本身一開始時唔係咁鍾意個法官, 因為我一開始唔知係用英文審訊, 所以揀左用中文答辯, 之後見個法官係外籍人士, 諗住講返英文就佢..點算就係咁俾佢鬥左一次…之後連律師都試過因為問題問得唔清楚俾佢鬥..雖然佢都幾老但個樣都幾串..仲有佢d英國口音既英文令我諗起Mr. Bean..
答辯期間對方律師有d問題只係問你同唔同意, 答案只可以係Yes or No..對方律師只要講d好似係true但又部份係false既statement..咁就真係唔知點答好..想補充又會俾佢極快速地問下一條問題..真係好激死人..好彩法官有時都會問返我俾我補充.
其實對方律師都打散左好多証供, 所以我都冇期待會嬴, 不過好彩最後真係嬴左…果一刻心情係覺得原來世界都仲算有justice, 而最開心果樣其實係宣判時法官話我既証供好可信. 我果陣真係想對住個法官講: YOU ARE AWESOME!
唔知係咪因禍得福, 呢兩個月多左好多新客. Keep it up!
My Life | 0 Comment »
打官司
Thursday, June 26, 2008之前被屈廿萬單case聽日就要上庭, 係人生第一次上法庭第一次打官司, 有呢種經驗真係唔知係好定唔好..
今晩都係無咩特別咁睇下戲打下機, 心情亦無特別緊張, 但唔知聽日會點呢…唔知會唔會講錯野俾對方律師入到位..又會唔會真係好似電視咁答完係或者唔係後一想補充講”不過..”果陣對方律師就會叫停你..
不過無論如何, 今次單官司結果係點都好, 原本個目的已經達到, 只係嬴或輸之後都一樣咁麻煩..
反而因為今次知道左以前以為自己咩都搞得掂, 其實唔係囉..但好在屋企人熟悉法律真係幫到我, 無論係呢單官司, 公司上o既事, 或者其他私人事, 都有免費意見.
My Life | 0 Comment »
無奸不商?
Monday, June 16, 2008我一直覺得要搞好一間公司最緊要係有實力, 承諾會provide俾客既service要做到百分百, 咁就自然build up到reputation生意自然會好. 目前為止我既客大部份都唔係由我主動去搵返黎, 而係佢地主動搵我, 所以我到目前都依然相信實力先係最重要, 不過事實上其實係我唔識包裝唔識sell野, 呢個就係我目前最大既weakness.
雖然公司唔係無生意而且一路都慢慢咁增長緊, 但係對比起其他”包裝行先但實力其次”既公司就差好遠..
睇見其他公司主動搵客, 收錢前講到識飛咁乜都得, 收錢後理得你死…你要support呀? 等下先啦, 因為要趕住搵下個客…
奇就奇在唔知點解一樣大把人受..我自問就做唔到..我好驚整衰個reputation..個底花少少都唔可以!
自從被屈廿萬單case發生後, 我就經常諗係咪真係無奸不商? 唔奸既話係咪只可以打工?
人地奸下出下古惑就有錢袋, 我咁努力只係得唔可以當飯食既reputation..
Blogging, My Life | 0 Comment »
Google講座
Sunday, June 1, 2008星期二去o左一個Google既講座, 內容係關於網上營銷策略.
最後原來呢個講座主要係講AdWords同有略略講下AdSense, 同我預期好唔同…
其實去到果時已經發現唔對路, 但係一路聽一路希望佢地會介紹其他適合中小企o既service或者solution..點知係無!
AdWords同AdSense我都玩左5年, 所以已經好熟, 呢次去到鰂魚涌咁遠真係無咩驚喜同得著…唯一得到o既回報就係見到呢世都唔知有無機會再見到o既Google全球副總裁..仲有拎左佢地一件衫一支筆同一個leaflet..個leaflet都好似幾好咁可以用黎裝下文件
唔係今次去一去鰂魚涌都唔知原來我一直搞錯左鰂魚涌同銅鑼灣個英文名..因為慣左入落calendar裡面d資料全部都用英文所以今次呢個講座o既location我都係寫英文, 雖然我知道Quarry Bay係太古附近, 但係竟然一直以為Quarry Bay中文係銅鑼灣..直到搭地鐵去到銅鑼灣時奇怪點解咁快到..望一望個map先知原來Quarry Bay係鰂魚涌先o岩..唔怪得之前有次睇地圖要o係鰂魚涌搵一個地方竟然搵唔到..其實果次係睇錯左Causeway Bay個地圖…
My Life | 0 Comment »
Smart Ass!
Thursday, May 1, 2008I thought I was smart, started my business when I was only 17, earned my first BMW when I was 19. But then I lost them all in a year. I thought I had learned from this, but I hadn’t. I just wanna yell at myself: SMART ASS!!
My Life | 0 Comment »
聽日去澳門
Friday, April 25, 2008原本上個月尾會同屋企人一齊去澳門, 但到目前都未夾到最適合o既時間一齊去, 但我5月前一定要過去所以就臨急上網搵資料.
一如以往我係自己訂ticket而唔經旅行社, 上網䏲過d人話搭Turbo Jet會定d冇咁易暈船浪, 所以就訂左Turbo Jet.
Turbo Jet個網頁整得幾好資料又齊, 但個訂票system就唔係幾掂, 睇落完全唔專業仲要有錯字..最尾訂完要印張ticket時預設字型細到睇唔到..不過好彩過程都無特別error.
之後就搵酒店同賭場資料, 呢次trip一半算係工幹一半算係旅遊, 所以都要睇下賭場d資料, 賭場去得多但今次係第一次去澳門.
search到o既網好多都係內地人或台灣人對澳門負面o既批評, 或者香港人過去”夜遊”既資料…
而 Macau.com 呢個網都廢廢地, 資料已經少, 個訂票system仲係只支援IE, 特登開個IE去訂佢又咁o岩有其他error..
最後竟然要o係個美國網站 MacauTripping.com 先搵到我要o既資料..其實我都只係想要地圖同埋酒店資料姐..
聽日出發, 好緊張, 因為未去過澳門, 好似大鄉里出場咁…LOL
My Life | 0 Comment »
小心流感
Thursday, April 3, 2008病左一排, 終於好返!
已經好耐未試過病得咁嚴重, 好難專心工作, 但休息時又會諗住公司d野, 真係麻煩.
去睇醫生時, 唔係太情願底下登記左做選民.
間診所係正車站隔離, 由車站行到去診所唔駛5秒, 但竟然俾個議員既手下擋住我叫我登入做選民. 果刻我真係好辛苦好想見醫生, 我同佢講我趕住睇醫生我睇完先再登記. 佢話登記唔會阻我超過一分鐘…
你係正人地門口..驚我走左去咩..就係咁登入左做選民..當我投票時我一定會記得有條友係我病到就死時都要叫我記得投票
同護士登記資料時佢要我俾個地址佢, 我一講個number佢就話要中文地址, 我本身的確係想講英文地址, 但佢咁講一講我就即時改用中文, 佢依然懷疑我個中文地址係英文地址, 但我繼續講佢就唯有繼續寫.
到而家病好返先知點解佢話我個中文地址唔係中文地址, 原來我一直習慣左用英文地址, 我所講既中文地址只係將英文直譯, 但個次序都係用緊英文個format..所以佢一聽到我講個number先就知果個係英文地址..
點解佢唔解譯清楚丫..等我仲一直以為係佢有問題..原來係我有問題先真
係咪香港人口密集所以容易病呢? 係加拿大咁多年都未試過病得咁嚴重, 仲要係咁突然.
My Life | 2 Comments »